الحب - الشغل - الصداقة

الحب : آخ على حبكم يالـ أمريكانو ! لو كل العالم يفهمون الحب مثلك جان علووم ، تعرف لما يقولون " صج يحب من قلب " !؟ ايي ايي هذا إنتو !  تعرفون تستغلون كل لحظة بطريقة كلها رومانسية وحب ، ومن النوع اللي مستحيل يتنازل أو يتخلى عن اللي يحبه بسهوله !  تحب تدلع وتخلي حبيبك يا دهينة لا تنكتين بس لحد يهين مشاعرك أو يتطنز على رومانسيتك .. عادي تسممه وتاخذ إعدام ! هيهيهي بس هم ممكن تسامح اللي تحبه لو حاول شوية وهم ماتبيه يطالع يمين ولا يسار .. وتبيه يسمع كلامك بكل شي ويكون تحت شورك وأمرك إنته ، ويعملك ألف حساب قبل لا يسوي اي شي ! شدعوه بو الشباب !

الشغل : تحب وظيفتك تكون ضامنة لك الامان المادي .. وتكون روتينية .. ماتطلب منك أي تغيير سواء كبير ولا صغير ،  مثل البنوك أو البورصة وغيرها من الاعمال الي تتطلب الاستمرارية على نمط واحد .. أو مثل الأعمال اليدوية والحرفية اللي تحتاج طاقة وذوق كبير بالرغم من نمطها الروتيني .... ومن جهة ثانية عندك مهارة بالاعمال التجميلية مثل سوالف هندسة الديكور .. أو جراحة التجميل .. وحق البنات سوالف الصالونات والميكآب وغيرها ، لأنكم شخصية تقدر الجمال وايد .

الصداقة : رفييج نصوح من قلب يمكن لأن عندك خبرة بمجالات وايد وتحب تفيد غيرك فيها .. مثل سوالف البورصة واسعارها ، احسن المطاعم بالديرة ، فندق وديرة زينة حق هالصيف ... وغيره من هالسوالف الطيبة ! وما تقصر وياهم كلش بأي شي يبونه بس رغم كل هذا .. تخلي ربع يرتفع ضغطهم والسبه اسلوب حياتك الروتيني اللي ما تحب انك تغيره كيكيكيكيكي .