شخصيتك بـ شكل عام

الـ أمريكانو ، يعتبر من الشخصيات اللي لها حضور غريب ومميز بنفس الوقت ، أول الأشياء اللي تميزكم اهوه هدوءكم وحبكم للأمان والراحة ، عليكم حنان وحب ما صار ولا إستوى  تحبون الإستقرار بحياتكم بجانب حبكم للرفاهية والتمتع بعيشة مريحة .. يعني تحبون الفليسات ، و تعتبرون محل ثقة لباجي الناس .

وبجانب هالشخصية الحلوة اللي عندكم ، هم تتميزون بقوة إرادتكم وعزيمتكم ، ما تحبون أحد يفرض عليكم شي .. إلا إذا كنتوا إنتو نفسكم تبون هالشخص يقودكم ويقولكم شتسوون ، شخصية ذكية ومتعقلة وثابته بآراءها وتصرفاته ، ما تحبون الظلم ولا حتى تفكرون إنكم تحقدون على أحد ، بس إذا عصبتوا كيكيكي الله يعين اللي بيكون يمكم حزتها !

أكثر أكثر شي يميزكم .. بعضكم عندهم كريزما من نوع خاص جداً ! ممكن طريقة كلامك ، أو إسلوبك ، نظراتك ، حركتك ، تصرفاتك ، تفكيرك ! شي غريب فيك يخلي الناس غصب تحبك ! وأنا واحد من الناس اللي تحبك صراحه  !