الحب - الشغل - الصداقة

الحب : ياخي إنت يالـ كابتشينو الحب وياك سالفته سالفة ، عادي كل يومين نسمع إنك حاب أحد يديد من كثر ما قلبك رهيف وتمشي وتحب حده بسهولة يدرعم الحب بقلبك ! أثقل كيكيكيكي بس نوعك وايد عاطفي ويا الحبيب وتبي على طول تغطيه بالمشاعر وكلام الغزل ، نوعك وايد تعطي بعلاقتك ويا حبيبك .. وسخي وايد بعد بـ كل شي .. بمشاعرك وبالتغزل .. حتى بالهدايا تحب تعطيه بين فترة وفترة ، يعني اللي تحبه متدلع عالآخر بس نوعك تفضل الحرية على الزواج .. ودايما نشوفك تحجج واتهرب من الزواج ، وعادي نشوفك عقب قصة حب طويلة .. تروح تهدها وتزوج بنت ييرانهم !

الشغل : مو قلنا إنك دبلوماسي ؟ واجتماعي ؟ لهالسبب تنجح وبشكل ملحووظ بالمجال الدبلوماسي .. لانك تسمع وتتكلم بلباقة تميزك عن غيرك ... وغير هذا تتميز بالمجال الاجتماعي  .. كـ أخصائي اجتماعي مثلا أو دكتور نفسي .. لأنك تقدر تكسب ثقة الناس بإسلوبك ، وهم لو كان لك ميول فنية راح تكون ناجح بهالمجال بعد ، بس أكثر شي ملاحظينه على عيال الـ كابتشينو إهوه تميزهم بالمجال الرياضي لـ درجة إن أشهر لاعبين كرة القدم شخصيتهم كابتشينو ! فـ لو كان لك ميول رياضية راح تكون ناجح بهالمجال وبقوة بعد .

الصداقة : ساعات تصير مصدر الامان حق رفيجك .. والديتول حق جروحه وهمومه اليومية >>> جيكو عالديتول بس LOOL ، لا بس صج تقدر تعيشه بجو يناسب مزاجه ونفسيته .. لان عندك قدرة تخليك تقدر تعرف موود ومزاج رفيجك قبل لا تشوفه او تكلمه ! سبحان الله