شخصيتك بـ شكل عام

شوف يالـ كابتشينو ، إنت سهل المعشر وحبوب .. وتتجاوب مع اللي حوالينك بسرعة .. يعني ماعندك مشاكل من هالناحية ... لدرجة انك تقدر تخفي مشاعرك لو كنت متضايق او مهموم وتبين حق اللي جدامك انك انسان مرتاح ومستانس وحده عادي ، وهالشي حده مضبطك بـ سالفة علاقاتك الإجتماعية الناجحة .

ومثل ما قلت لك نجاحك الإجتماعي سببه ديبلوماسيتك ، وطبعا مصلحتك قبل كل شي وفوق أي اعتبار .. يعني لو تشوف إثنين يتذابحون جدامك حده مالك شغل فيهم ولا توقف بـ صف أحد .. عشان لا تخسر واحد منهم يمكن يكون لك مصلحه عنده بعدين ، يخرب بيتك ! عموماً إنت انسان مسالم ما تحب المشاكل ولا العنف والظلم ، تحب الحياة والوناسة والفرفشة والقز .

الشغلات الشينة فيك يالـ كابتشينو .. أول شي نقدر نقول انك متردد شوية بقراراتك .. تفكر وايد فيها يعني ، و اذا اتخذت قرارك مستحيل تناقش احد فيه ، يعني خلاص اتخذته لحد يحاجيك موليه ، وهم ساعات نفسيتك بـ خشمك وما اتحاجى .. خاصة إذا توك قاعد من النوم !