الشباب / البنات

شخصية الشباب : شخصية دقيقة وحساسة و وسواسية وايد ، بعضكم يحب العزلة وانك تعيش بحياة خاصة فيك إنت تختار ربعك والناس اللي تبيهم يكونون موجودين حواليك بعناية .. وفي بعضكم يبون يطلعون للناس والشهرة والاضواء بس يعتبر هالنوع من القلة ، حدك شقردي وتحب تساعد غيرك وتنصحهم وتوجهم .. وعادي تقعد تفكر بمشكله صايره حق احد قريب منكم وتفكر بحل حق هالمشكلة ، يعني نقدر نقول عنكم حنونيين وايد ، بس دايما تبي كل شي كامل وكل شي ما فيه ولا نقطة عيب أو غلط .

شخصية البنات : عاد انتي حالتج خاصة وايد ، عموما الـ كوكيز وسواسيين ويحبون النظافة .. فـ تخيلي هالشخصية على بنية شتصير ؟ وايد تخافين على عمرج من الأمراض وتموتين عالنظافة ، وايد تهتمين بشكلج ، تموتين عالملابس والكشخة والموضة والعطور .. ومو أي نوع .. لأ لازم شي راقي وعلى مستوى ! عشان جذي حدج تصلحين أصلا حق سوالف الأزياء .. ممكن مصممة أزياء ولا سوالف ميكاب .. يعني لج ميول خجولة ، منظمة ، ما تعبرين عن اللي فيج بسهولة ، وايد اتحلطمين وتنتقدين اللي ما يعجبج