الحب - الشغل - الصداقة

الحب : مع إنكم من النوع العاطفيين والحساسيين وايد ، بس دايماً تخفون هالمشاعر عن حبيبكم وما تصرحون بحبكم ، ويمكن يكون السبب اللي يخليكم تخشون مشاعركم إما انكم مو واثقين من مشاعر هالشخص اللي جدامكم .. أو خايفين انه يخيب ظنكم .. أو يمكن أنتو ما عندكم ثقة بنفسكم لكن اذا بينت حبك ومشت السالفة أوكي .. يا سلام عليك وعلى مشاعرك وخوفك وحرصك على حبيبك بس تدري شنو المشكلة الثانية بعد ؟ يمكن انت من النوع المتطلب وايد .. يعني كله اتعنفق وتنتقد حبيبك إذا كان بعلاقتكم شي ناقص أو شي غلط .. دايماً تبي اللي بينكم بيرفكت وكامل وايد تحن عليه مسكين وسو جذي ولا تسوي جذي ومادري شنو .. الله يعينه بس بالرغم من هالشي إلا انك معروف بإخلاصك وحبك الخطير حق زوجتك وعايلتك وعيالك .

الشغل : تميل إلى الشغل إلى فيه نشاط ونسبة من البحث .. يعني مثل مراكز الابحاث .. او حتى الشغل إللي يتطلب منك التنقل من مكان لي مكان .. امممم يعني مثلا مجال الزراعة وبما انك انسان تحب الكمال وكل شي عندك لازم يكون اوكي ... تنجح وايد في مجال النقد .. بشتى انواعه سواء صحفي او فني او ادبي .. المهم انك ناقد ممتاز .. وساعات لسانك يصير طويل وما يرحم ، و أي شغلة تحتاج دقة تقدر تنجح فيها .

الصداقة : تعتبر بالنسبة حق ربعك يد العوون الممدودة على طول .. دايم تختب وتشد حيلك اذا صادف احد من ربعك أي مشكلة .. يعني شقردي وقت المشاكل اللي تواجه ربعك والكل يشهد لك بـ طيبتك .. و هم ساعات تفصل عليهم !