شخصيتك بـ شكل عام

الـ إسبريسو .. وإنت صج صج إسبريسو ! شخصية قوية ، واثقة من نفسها وايد ، تعتبر الغرور شي مهم بحياة أي شخصية ناجحة ، إجتماعي واااايد ، وقائد بـ الفطرة ، تحب تسيطر على اي شي تسويه وأي شغل تشتغل فيه ، قوي وشهم وشجاع بـ قرارتك ، تكره شي اسمه تردد ، وتتخذ قرارتك بـ كل جرأة .

تكون بـ قمة إحساسك بالمتعة والتألق .. لما تكون بـ مركز ومنصب يعطيك سلطة قوية وعالية ، بهاللحظة تطلع شخصيتك الجذابة ، وتلقى الكل ينفتن فيك وبـ قوتك ، ويعتبرك مثل أعلى له ، المشاكل عندك تعتبرها شي يقوي ثقتك بنفسك ويعطيك دفعة يديده للأفضل . عااش الـ اسبريسو والله ! 

تحب إن يكون لك مملكة خاصة فيك ، إنت الملك فيها مهما اختلفت بيئتك ومستواك وظروفك الإجتماعيه ، تبي الناس تعاملك على طول إنك شخصية مميزة وفوق العادة ( شعليه ما أدري ) . تحب التنظيم ، بس العيب الشرعي اللي فيك إنك دكتاتوري وايد ، متمسك بأفكارك وآراءك ومعتقداتك بـ طريقة تنرفز الواحد ! وساعات تصير قاسي على نفسك وعلى اللي حوالينك . إي ليش !؟ مادري !