الحب - الشغل - الصداقة

الحب :بما انك عاطفي مثل ما قلنا .. فا يابخت من يحبه قلبك لانك تغرق حبيبك بالحنان والحب والعواطف .. تصبحه بـ كلمة حلوة .. وتمسيه بـ كلمة أحلى .. يا بخته كيكيكي ! لأن صج هذا أحلى شي فيك إنك وايد تحب تعبر عن مشاعرك حتى لو عالغدا أو حتى لو كان على شي ما يسوى كلش .. شعليييييه بس عاد شفت على كثر هالعاطفة والحنان اللي فيك .. بس وعليه مقرووووود بعلاقاتك العاطفية لوول .. يا مدقور .. يا حب من طرف واحد .. يا محد معطيك وي .. يا ما يبين بعينهم يالله .. تكبر وتنسى

الشغل : شوف إنت فيك عيب شرعي مستحيل تغيره .. نوعك ما تعترف بشي اسمه مواعيد .. يا متأخر يا ناسي يا مادري شفيك فـ لهالسبب الرئيسي اللي مأزم حياتك ما تناسبك الأشغال اللي فيها التزام بالوقت .. يعني لو كنت بالجيش ولا البترول عادي ما استبعد طاردينك من أول شهر كيكيكي وهم ما تحب نوع الشغل اللي فيه ازعاج ولوية وحركة مثل المطار ولا مكان من هالطقة .. فـ تحب الشغل الروتيني والهادي .. اما بالنسبة لـ نوع الشغل فـ بما انك انسان حنون وعاطفي تصلح لك الأشغال اللي فيها تعامل مع هالمواضيع .. اخصائي اجتماعي ولا بـ مجال الطب والتمريض وهم بالاعمال التجارية ممكن تنجح .

الصداقة : ربعك بالنسبة لك جزء ما يتجزأ من حياتك .. مهمين بالنسبة لك .. مثل ما انت مهم بالنسبة لهم .. ويعتبرونك أكثر شخص ممكن تفهمهم وتسمع لهم من بد الناس وهم تحب تفضفض وايد حقهم لو مريت باي مشكله ... و وايد سهل التعامل وياك وتدش القلب بسرعة .. يعني المختصر حبيب بس مو تونا كنا نتكلم عن الوقت ؟ اي هالمشكله تعاني منها مع ربعك بعد .. كيكيكي كلش مو معترف بالوقت فـ ساعات تخسر ربع والسبة هالسالفة .... ولأنك وايد طيب وعلى نياتك وايد الناس يستغلون هالشي فيك ويجرحونك ويغلطون عليك .. لأنهم متأكدين إنك عقب يوم يومين بتنسى وبترد عادي جنه ما صار شي ... مسوينك مقصة