الحب - الشغل - الصداقة

الحب : بالحب تصير خطير وخيالي حدك ، بمعنى انك تسوي اللي تحبه .. يا دهينه لا تنكتين واي شخص أصلا يتمنى لو يكون حبيبك .. خاصة البنات !! لأن الفرابتشينو الريال يتمتع بحس عاطفي يسحر البنات .. كيكيكي ، واحلى ما فيك يالـ فرابتشينو .. سواء شباب أو بنات ، انكم متفهمين تقدرون ظروف حبيبكم ، وفوق هذا .. عندك ذوق حلو بالهدايا وهالسوالف .. واللي دايما تكون مميزة بس عندك مشكله أزلية لازم تحلها .. واللي إهيه انك تحب بعيونك قبل قلبك !! وايد تهتم بالشكل .. وعادي تذوب بداديب شخص وانت ما كلمته حتى ، هالشي يخلي بعضكم يؤمنون بـ فكرة الحب من أول نظرة بس أهم شي يالحبيب إنك تقدر تفرق وتعرف مشاعرك الصجية عقب .. ولا ترى ممكن تصير سوالف فيها قبايل !

الشغل : إنت حدك تمشي بالمجالات اللي تحتاج إبداع وإبتكار ، لأنك شخصية ذوقها عالي وعندها أفكار حلوة وتقدر تبتكر شغلات يديدة وبما ان تفكيرك دايماً فيه نوع من الفلسفة فـ يصلح لك هالمجال وايد ، وهم إنت من الشخصيات اللي تموت عالسفر والتنقل فـ حده أوكي لو لقيت وظيفة من هالنوع اللي تتطلب سفر وروحة وردة ، وهم نلقاك ناجح بالمجال الأدبي أو الموسيقي .. حدك تقدر تبدع فيهم .

الصداقة : بين ربعك انت صاحب النكت اليديده والشغلات الغريبة .. وتكون نكتة القعدة ووناستها بس اللي يبعدك عن ربعك ويخليك تنعزل عنهم .. لما يخونونك ويجرحون مشاعرك ، خلاص تبدي تكش عنهم ، بس اللي يميزكم أن في بعضكم يالـ فرابتشينوات .. رغم كل المشاكل اللي تصادفونها مع ربعكم ما تنسونهم وتظلون على اتصال معاهم .. يعني بعضكم قلبه ما يعرف طريج الكره.. بس مو كلكم !