شخصيتك بـ شكل عام

اييه يا الـ تشيز كيكيين .. أقدر أقول عنكم إن عندكم أحلى وألذ شخصية من بين كل الشخصيات ، شخصية عاطفية وحنونة ، انسانية وخيالية .. دايما نشوفكم تكافحون حتى تحولون عالمكم لـ عالم من الأحلام الوردية ، حياتكم متعلقة وايد بكل شي له علاقة بالمشاعر وبالحب ، تعتبرون مثال للرومانسية اللي تخلي الواحد يتنح فيكم ، تحبون عايلتكم بـ شكل مو صجي .. متعلقين بالوطن ، بالبيت ، بالإنتماء ، باليهال ... إلخ .

أكثر شي أحبه فيكم إن إذا حبيتوا شخص تهتمون فيه ، وتحمونه ، وتسون له كل شي من قلبكم وتعطونه كل اللي ممكن ينعطى ، بدون مجاملات ولا تصنع .. على راسي والله، بس القهر إنك تسوي هالشغلات حق قلة قلة قلة من الناس .. لأنك من النوع اللي ما تحب بسرعة وصعب وايد أحد يدش مزاجك !

مشكلتك الأزلية المزاااااااج .. وتحتها ست خطوط !! وهالمشكله اصلاً حاطتك بـ مشاكل مالها أول ولا تالي ويا اللي حوالينك .. خاصة الناس اللي ما تعرفك عدل فـ تاخذ عنك فكرة غلط ، وهم التشاؤم لاعب فيك لعب ! بطل هالعادتيين !