الحب - الشغل - الصداقة

الحب : تتميز بأنك عاشق مندفع من قلب ... حالة الحب عندك لها إسلوب خاص وطريقة خاصة ، وتعتبر علاقتك مع حبيبك علاقة مقدسة ما ترضى إنها تكون تافهة أو غبية ، وتحب تعامل حبيبك بطريقة أقرب ما تكون للمثالية والخيال مشكلتك بالحب إنك إذا إنجرحت مرة مستحيل تنسى هالجرح .. أوكي ممكن تسامح ! بس ما اعتقد تقدر تنساه .. وحتى الماضي والعلاقات القديمة ما تنسى تفاصيله بـ حلوه ومره ! ، أما من الأسباب اللي ممكن تخليك تنفصل عن حبيبك ... غيرتك العنيفة ! وايد تغار عاللي تحبه بطريقة قوية .. ومو أي شخص ممكن يتأقلم مع هالغيرة ، والمشكلة إن توصل وياك المسألة للعنف ، يعني عادي واقف ويا مرتك بـ مرينا ولا لاخها طراق جدام خلق الله ، ومع هذا إنت تعتبر من العشاق المثاليين .. ومثاليتك ممكن تطيحك بمشاكل وتخليك ضحية من ضحايا قصص الحب .

الشغل : تعرف لما يقولون عن شخص " وين ما تقطه يمشي !؟ " اييييي هذا إنت !! قدرتك وطاقاتك الإبداعية تأهلك إنك تشتغل بأي مجال كان .. وممكن تبدع فيه ، كونك شخصية موهوبة وايد ، تبدع بالـ طب ، التلحين ، التمثيل ، الأدب ، المحاماة وغيره وغيره وغيره .. وهم تعتبراً ناجح بالتدريس كونك تموت على شي إسمه معلومات ، بس ترى طلبتك ما يحبونك وايد شاقهم شق بالـ H.Wz . بإختصار إنت شخصية تتأقلم مع أي نوع من أنواع الشغل وتبدع فيها .

الصداقة : تدري شنو مشكلتك اهني ؟ إن اذا كانوا ربعك مو من مستواك الفكري صداقتكم ما تدوم وايد .. لانك تحب اتفلسف واتشيحط بالمعلومات اللي عندك بأي مجال كان .. كيكيكيكيكي حدك مشكله ترى ! ، لا بس حده رفجتك حلوة ترى ، اهم شي عندك إنهم يثقون فيك حتى تقدر تثق فيهم ... والشغلة الثانية في بعضكم يفضل إن محد يتدخل بـ خصوصياته عشان لا اتدخل بخصوصياتهم ، بس تعرف تكسب ربعك بـ مقعدك الحلو ومعلوماتك وثقافتك الواسعة .